Մեր մասին

Մեր պատմությունը

«Հ. Հովնանյան ընտանեկան հիմնադրամը» հիմնադրվել է 1986 թվականին ամերիկահայ բարերարներ Հրայր և Աննա Հովնանյանների կողմից։

97 միլիոն դոլար

Հիմնադրամը հիմնադրման օրվանից ավելի քան 97 միլիոն դոլար է հատկացրել տարբեր բարեգործական կազմակերպություններին, կրթաթոշակներ ուսանողներին և իր մի շարք գործող ծրագրերին:
2003

Էդել Հովնանյանի կողմից հիմնադրվեց «Դեպի Հայք» (Birthright Armenia) ծրագիրը՝ սփյուռքահայերին հնարավորություն ընձեռելով կամավորական գործունեության և Հայաստանում լիարժեք ներգրավվածության միջոցով ամրապնդելու իրենց կապը հայրենիքի հետ։ Այդ ժամանակից ի վեր ծրագրին մասնակցել է ավելի քան 2,500 մասնակից՝ 55 երկրից։
2006

Հիմնադրամի հայաստանյան մասնաճյուղի բացումը Երևանում՝ տարբեր ոլորտներում բարեգործական ծրագրերի և կրթական նախաձեռնությունների իրականացման նպատակով, ներառյալ կրթաթոշակների և անհատական դրամաշնորհների տրամադրումը։
2010

Վիլանովայի համալսարանում Հովնանյան կրթաթոշակի հիմնումը՝ բարձր առաջադիմություն ցուցաբերող բակալավրիատի ուսանողներին, հատկապես՝ հայկական ծագում ունեցողներին աջակցելու նպատակով։
2013

Ocean Medical Center-ին տրամադրված դրամաշնորհ՝ 3 միլիոն դոլարի չափով՝ նոր շտապօգնության բաժանմունքի կառուցման համար։
2015

Երևանի կենտրոնում օծվեց Սուրբ Աննա հայկական առաքելական եկեղեցին, որը Հրայր Հովնանյանը կառուցել է ի պատիվ իր կնոջ՝ Աննա Հովնանյանի։

Ստեղծվեց HIKEArmenia նախաձեռնությունը՝ Հայաստանում արշավային զբոսաշրջությունն ու էկոտուրիզմը խթանելու, ավելի քան 70 արահետ զարգացնելու և գյուղական համայնքներին աջակցելու նպատակով։
2016

Riverview Medical Center-ին տրամադրված դրամաշնորհ՝ ընդհանուր 820,000 դոլարի չափով՝ 2016 թվականից ի վեր իրականացված ծրագրերի համար, ներառյալ da Vinci Xi ռոբոտի ձեռքբերումը։
2017

«Ֆուլբրայթ-Հովնանյան» կրթաթոշակային ծրագրի մեկնարկը՝ ԱՄՆ Պետդեպարտամենտի և Հ. Հովնանյան ընտանեկան հիմնադրամի համագործակցությամբ՝ Միացյալ Նահանգներում STEM+E ոլորտներում մագիստրոսական կրթություն ստացող ուսանողներին աջակցելու նպատակով։
2018

Ocean County College-ին տրամադրված դրամաշնորհներ՝ 3.3 միլիոն դոլարի չափով՝ 2018 թվականից ի վեր կրթաթոշակների և կրթական ծրագրերի ընդլայնման համար, և Ocean County Vocational Technical School-ին՝ 2.3 միլիոն դոլարի չափով՝ 2018 թվականից ի վեր վերանորոգման և տեխնիկական բարելավումների համար։
2019

Հիմնադրամի տարածաշրջանային գրասենյակի բացումը Գյումրիում՝ Շիրակի մարզում Birthright Armenia և Armenian Volunteer Corps կամավորական ծրագրերի գործունեությունն ընդլայնելու նպատակով։
2020

Հայաստանի Հանրապետության կառավարության հետ մասնավոր–պետական գործընկերության մեկնարկը՝ Հայաստանի հյուսիսային սահմանամերձ գյուղերում խմելու ջրի և ոռոգման համակարգերի խոշորամասշտաբ ծրագրերի փորձարկման նպատակով։
2021

iGorts ծրագրում ընդունված սփյուռքահայերի համար Հովնանյան անվան հանրային ծառայության կրթաթոշակային ծրագրի ստեղծում։
2022

Վիլանովայի համալսարանին 10 միլիոն դոլարի նվիրատվության հայտարարումը՝ ուսանողական կրթաթոշակների, դասախոսական նախաձեռնությունների և ակադեմիական նորարարության աջակցման նպատակով։
2023

Հայկական անհատական դրամաշնորհների ծրագրի մեկնարկը՝ տաղանդավոր հայերին աջակցելու և հեղինակավոր միջազգային միջոցառումներում իրենց հմտություններն ու կարողությունները ներկայացնելու հնարավորություն ընձեռելու նպատակով։

The Armenia Project (TAP) նախաձեռնության ստեղծումը՝ Հայաստանի ժողովրդավարական և տնտեսական զարգացմանը նպաստելու՝ երկրի հաղորդակցական էկոհամակարգն ամրապնդելու միջոցով։
2024

Վանաձոր քաղաքում տարածաշրջանային գրասենյակի բացում՝ Լոռու մարզում Birthright Armenia և Armenian Volunteer Corps ծրագրերի ընդլայնման նպատակով։